Aktualaj

Traveler between wor(l)ds

Celgrupo: plurlingvaj infanoj, iliaj gepatroj kaj instruistoj, lingvemuloj

La celgrupo de jena projekto (2016-2019) estas plurlingvaj infanoj. Tipa ekzemplo estas familioj translokiĝintaj en alian landon, kie la infanoj kreskas en alilingva medio. Kvankam ili kutime rapide adaptiĝas ellernante novan lingvon, ofte estas ĉe ili malzorgata la gepatra lingvo. Ĝuste tiun subtenu nova poŝtelefona aplikaĵo enhavanta dulingvajn allogajn tekstojn pri temoj, kun kiuj la infanoj renkontiĝas dum instruado. Infano tiel progresigas siajn vortprovizon kaj terminologion paralele en ambaŭ lingvoj. Prepariĝas ankaŭ retejo kun utilaj informoj por gepatroj kaj instruistoj de plurlingvaj infanoj.

Deutsch.info – didaktikaj helpiloj por lernejoj

Celgrupo: instruistoj de la germana kiel de fremda lingvo, instruistoj de la germana kiel de dua lingvo

La origina celo de la retejo deutsch.info estis oferti senpagan retan kurson de la germana, uzeblan ne nur por ĉeestaj kursoj, sed ankaŭ por memlernantoj. Danke al tio eblas hodiaŭ ellerni la germanan sen helpo de instruisto. Tiu ĉi projekto (2016-2018) alparolas instruistojn de la germana, kiuj serĉas por siaj lernantoj taŭgajn instrumaterialojn. Prepariĝas por ili informoj pri utiligo de CALL-metodo en lernejoj, en ĉiu leciono disponeblos elŝuteblaj ekzercoj kaj ludoj adaptitaj por lerneja medio.

IpuS - Let’s talk about Porno

Celgrupo: Gepatroj, instruistoj, laborantoj kun junularo, socialaj pedagogoj

Tiu projekto kun provoka nomo havas kiel celon atentigi pri la riskoj de interreta pornografio kaj seks-tekstado ĉe infanoj kaj adoleskantoj. Seks-tekstado estas reciproka sendado de propraj aŭ aliulaj intimaj fotoj. Tio, kion multaj junuloj konsideras sendanĝera, povas ne nur minaci ilian sanan kreskadon, sed ankaŭ ofte konudukas al kiberĉikanado (disvastigo de intimaj fotoj aŭ videoj per la Interreto, persekutado, premo, ĉantaĝo). La projekto celas ĉefe la gepatrojn, kiuj volas, ke iliaj infanoj uzu la reton sekure kaj respondece.

Slovake.eu

Celgrupo: Enmigrintoj, apudlimuloj, studentoj, lingvemuloj

Multlingva retejo por instrui la slovakan lingvon al eksterlandanoj. La projekto estis subtenita de la EU-agentejo EACEA kaj ekfunkciis en marto 2011. La retejo estis konstruita surbaze de spertoj de lernu.net kaj aliaj retaj projektoj. En novembro 2013 startas dua etapo, dum kiu aldoniĝos B-nivelo de la kurso kaj kelkaj novaj funkcioj.

CZKey

Celgrupo: Estontaj kuracistoj en Ĉeĥio, lernemuloj ĝenerale, slovakoj interesiĝantaj pri la ĉeĥa lingvo

Kadre de tiu ĉi projekto ekestas retejo por lernado de lingvo najbara al la slovaka – la ĉeĥa. Je dispono estos ĝeneralaj kursoj A1, A2, kurso por estontaj kuracistoj je la nivelo B1 kaj unu kurso speciale por slovakoj. La kunordiganto - lingva centro de la Universitato Masaryk en Brno (Ĉeĥio), inspiriĝis ĉe la E@I-projektoj por la germana kaj slovaka. Krome la centro helpis traduki la retejon slovake.eu al la ĉeĥa, kaj post tio ekestis ideo krei similan projekton por la propra lingvo. La ĉeĥan eblos lerni per multaj lingvoj.

Global E-learning

Celgrupo: Gejunuloj kaj plenkreskuloj

Multlingva reta kurso celas disponigi informojn pri problemoj rilataj al la tutmondiĝanta kaj interdependa mondo.

ESPA EST 2.0

Celgrupo: Homoj kiuj volas komerci kun hispanaj firmaoj

Projekto por instrui la hispanan lingvon (orientitan al la "komerca lingvaĵo") kaj liveri praktikajn konsilojn por komerco kun hispanaj firmaoj. E@I estas partnero de la projekto, respondeca pri la slovaka kaj ĉeĥa partoj. La projekto estas subvenciita de la EU-agentejo EACEA (programo "Dumviva lernado") kaj kunlaboras en ĝi partneroj el Bulgario, Hispanio, Latvio, Pollando, Rumanio kaj Slovakio.

Edukácia a internet – dvojica, ktorá mení svet

Celgrupo: Lingvemuloj ĝenerale

Vzdelávaním cez internet pomáhame svetu

Celgrupo: Lingvemuloj ĝenerale

Vikipedio al volontuloj, volontuloj al Slovakio

La projekto donas al volontuloj unikan eblon akiri detalajn sciojn pri la principoj de funkciado de Vikipedio kaj ĝiaj asociitaj projektoj (Vikimedia Komunejo, Vikivortaro, Vikicitaro, ktp.) kaj lerni eluzi la eblojn, kiujn ofertas Vikipedio.

Reta lernado en praktiko

Celgrupo: Lingvemuloj ĝenerale

La unua projekto de E@I kadre de Eŭropa volontula servo. Du volontuloj el Turkio kaj Francio helpas realigi Lingvan kafejon en la urbo Partizánske, pliproksimigi al homoj modernajn teknologiojn kaj ligi lernadon per interreto kun nia ĉiutaga vivo.

Toki pona

Celgrupo: Interesiĝantoj pri la lingvo toki pona, lingvemuloj ĝenerale

Toki pona estas filozofia lingvo kun centoj da parolantoj en la tuta mondo. Kontraŭe al aliaj planlingvoj, ĝi ne celas esti internacia lingvo, sed servi kiel komunikilo konstruita el plej bazaj ideoj tute sen malfacilaĵoj de nuna vivo. En julio 2013 estis eldonita la unua presita lernolibro. Ĉi tiu retejo donas al vi ĉiujn 76 da lecionoj el la libro kun aldonaĵoj, kiuj en la libro ne povas esti.

Ridejo

Celgrupo: Tiuj, kiuj ŝatas ridi

Ridejo estas retejo por ŝercoj kaj amuzaj bildoj en Esperanto. La vizitantoj rajtas voĉdoni por tiuj, kiuj ridigis ilin, kaj mem aldoni ŝercojn. Viaj proponoj estas tre bonvenaj!

Reta PIV

Celgrupo: Esperantistoj kiuj volas uzi la lingvon ĝuste

Reta kaj senpaga versio de la "Plena Ilustrita Vortaro de Esperanto" funkcias ekde 4.4.2012. Danke al kunlaboro de SAT kaj E@I kaj mondonacoj de esperantistoj ekestis elektronika versio de la fama vortaro „PIV“.

Bretaro

Celgrupo: legemuloj, ŝatantoj de literaturo, historiistoj

Reta elektronika arkivo de Esperanto-materialoj kiel libroj, dokumentoj kaj fotoj. La celo estas konservi literaturajn valoraĵojn kaj savi ilin antaŭ malapero. Ĉe Bretaro.net troviĝas nur tiuj verkoj, por kiuj la aŭtor- kaj kopi-rajtoj aŭ ne plu validas, aŭ la aŭtoroj mem liberigis ilin por la elektronika uzo.

KD “Esperanto”

La KD “Esperanto”, danke al la kunlaboro de E@I kaj la urbo Bjalistoko, aperis la 10-an de septembro 2008 en la pola tagĵurnalo Gazeta Wyborcza kaj ĝis nun la plej multnombra E-eldonaĵo elektronika: 400 000 ekzempleroj. La disko estas dulingva (pole kaj Esperante) kaj celas prezenti E-on al ĝenerala publiko per luda, amuza formo. Ĝia enhavo estas nun disponebla rete.

Zamenhof.info

Multlingva retejo pri la vivo kaj verko de L. L. Zamenhof, kreita okaze de la 100-a datreveno de lia morto.

Interkulturo

Celgrupo: Homoj scivolemaj pri aliaj kulturoj

Interkulturo estas projekto kiu helpas kulturan interŝanĝon inter grupoj dise de la mondo - por kontakti, konatiĝi kaj interŝanĝi siajn demandojn, dubojn, sciojn, interesojn.

Esperanto-aktuale

Celgrupo: Ĵurnalistoj kaj ĉiuj aliaj interesiĝantoj pri Esperanto

Multlingva senkosta retejo-informejo pri la internacia lingvo Esperanto kaj ĝia kulturo: gramatiko, historio, movado ks. Grava parto de la paĝaro konsistas el novaĵoj pri Esperanto, lingva politiko kaj rilataj aferoj. Kunlaborante kun multaj esperantistoj tra la mondo ni strebas, ke en tiu ĉi paĝaro ĉiam estu troveblaj ĉiuj plej gravaj kaj aktualaj informoj pri ĉio, kion parolantoj de Esperanto opinias grava.